सरिता थारु,
कपिलवस्तु १ भदौ। नेकपा (एमाले) बाणगंगा नगर कमिटीको दोस्रो अधिवेशनको लागि शनिबार ११ वटै वडामा एक साथ प्रतिनिधि छनौट गरिएको छ । अधिवेशनका लागि खुल्ला तर्फबाट २७ सय ६२ पार्टी सदस्य मध्ये २५ जना बराबर एक जनाका दरले प्रतिनधि छनौट गर्ने, १ सय २९ जना दलित सदस्य मध्ये १५ जना बराबर १ जना प्रतिनिधि छनौट गर्ने, छनौट हुने ३ जना प्रतिनिधि मध्ये १ जना महिला प्रतिनिधि अनिवार्य हुनुपर्ने, कुल प्रतिनिधि संख्याको १५ प्रतिशत युवा अनिवार्य प्रतिनिधि हुनुपर्ने र नगर कमिटीमा रहेका ८० जना आयोजक प्रतिनिधिको रुपमा रहने व्यवस्था भए अनुसार प्रतिनिधी छनौट गरिएको छ ।
भदौ ७ गते सिद्धार्थ क्याम्पसमा हुन गईरहेको दोस्रो अधिवेशनको अहिले तयारी तिब्र पारिएको छ । अधिवेशनको उद्घाटन संघिय सरकारका भूमि, व्यबस्था, सहकारी तथा गरिबी निवारण मन्त्री बलराम अधिकारीले गर्ने तय भएको छ । अधिवेशन सफलता पुर्वक सम्पन्न गर्नका लागि तयारी स्वरुप विभिन्न उप समितिका संयोजकको जिम्मेवारी प्रदान गरिएको छ ।
प्रतिक्रिया