कपिलवस्तु, २६ भदौ ।
कपिलवस्तुको बाणगंगा नगरपालिका वडा नंं. ११ स्थित हथौसा लिटल स्टार ईङ्गलीश बोर्डिङ्ग स्कुलले अर्को अन्तराष्ट्रिय अवार्ड प्राप्त गर्न सफल भएको छ । एक्जिटो अष्टेलिया र अनुजा मिडिया नेपालको संयुक्त आयोजनामा काठमाण्डौमा भएको योङ्ग लिडर मोडेल युनाईटेड नेशन २०२४ मा उत्कृष्ट भई अन्तराष्ट्रिय अवार्ड प्राप्त गर्न सफल भएको हो ।
यहि भदौ १४ गते देखि १९ गते सम्म भएको ६ दिने कार्यक्रममा बेस्ट पोजिसन पेपर अवार्ड प्राप्त गरेको स्कुलका प्रिन्स्पिल सुन्दर पाण्डेले जानकारी दिनुभयो ।
कार्यक्रममा नेपाल सहित १४ वटा देशका ७० वटा विद्यालयका विद्यार्थीहरुको उपस्थिती रहेको थियो भने काठमाण्डौ उपत्यका बाहिरबाट हथौसा लिटल स्टार ईङ्गलीश बोर्डिङ्ग स्कुलको मात्र सहभागिता रहेको थियो ।
उक्त अन्तराष्ट्रिय कडा प्रतिस्पर्धामा विद्यार्थीहरुले मेहनत गरि अवार्ड प्राप्त गर्न सफल भएकोमा स्कुलका प्रिन्सिपल पाण्डेले विद्यार्थीहरुलाई बधाई ज्ञापन गर्दै सफलताको शुभकामना व्यक्त गर्नुभयो ।
अवार्ड प्राप्त गरेसंगै मोडेल युनाईटेड नेशनले विद्यालयलाई झण्डा सहित उच्च सम्मान गरेको प्रोग्राम कोर्डिनेटर अनिल कुमार वर्माले जानकारी दिनुभयो । उहाँले विद्यालयबाट ९ जना विद्यार्थीहरुको सहभागिता रहेको बताउनुभयो ।
१ हजार ३ सय बढी विद्यार्थीहरु अध्ययनरत हथौसा लिटल स्टार ईङ्गलीश बोर्डिङ्ग स्कुलले यस अघिनै सिङ्गापुरद्वारा स्कूल इनोभेटिभ स्कुल अवार्ड, ब्रिटिश काउन्सिलद्वारा अन्तराष्ट्रिय स्कूल अवार्ड र आई.एस.ओ.अवार्ड प्राप्त गरि विभिन्न अन्तराष्ट्रिय प्रतिस्पर्धामा सक्रिय सहभागीता जनाइरहेको छ ।
प्रतिक्रिया