लुम्बिनी प्रदेश सभाको चालु अधिवेशन अन्त्य

कपिलवस्तु, ०१ असोज। लुम्बिनी प्रदेश सभाको चालु अधिवेशन सोमबार राती १२ बजेदेखि लागु हुनेगरी अन्त्य गरिएको छ ।

सरकारको सिफारिसमा प्रदेश प्रमुख कृष्णबहादुर घर्ती मगरले प्रदेश सभाको चालु अधिवेशन राती १२ बजेदेखि लागु हुनेगरी अन्त्य गरेको प्रदेश प्रमुखको कार्यालयले जारी गरेको सूचना उल्लेख छ ।

संविधानको धारा १३८ (२) अनुसार सोमबार राति १२ बजेदेखि लागु हुने गरी अधिवेशन अन्त्य भएको सूचनामा भनिएको छ । सोमबार बिहान बसेको प्रदेश सरकारको बैठकले चालु अधिवेशन अन्त्यका लागि प्रदेश प्रमुखसमक्ष सिफारिस गरेको थियो ।