काठमाडौँ, १० फागुन
गृहमन्त्री ओमप्रकाश अर्यालले ‘रासस मिडिया सङ्ग्रहालय र समाचार बुलेटिन कक्ष’ को अवलोकन गर्नुभएको छ । भद्रकालीस्थित रासस केन्द्रीय कार्यालयको भ्रमणका क्रममा आज उहाँले सङ्ग्रहालय र समाचार बुलेटिन कक्षको अवलोकन गर्नुभएको हो । गृहमन्त्री अर्यालले सङ्ग्रहालयको अवलोकनपछि आगन्तुक पुस्तिकमा “यस सङ्ग्रहालयमा रहेका राससका स्थापनाकालदेखिका विभिन्न सामग्री (प्रेस, पत्रपत्रिका, बुलेटिन, टेलिफोन र टाइपराइटर) लगायत सामग्रीका बारेमा गहिरो जानकारी भएको”, उल्लेख गर्नुभएको छ । गृहमन्त्री अर्याललाई राससका कार्यकारी अध्यक्ष धर्मेन्द्र झा, महाप्रबन्धक सन्दीप राई र विभागीय प्रमुखहरुले स्वागत गर्नुभएको थियो । —
प्रतिक्रिया