एजेन्सी, ३ चैत । कतारले विश्वमा महामारीको रुपमा फैलिएको कोभिड–१९ संक्रमणलाई फैलिन नदिन जोखिम क्षेत्रमा परका चार वटा कम्पनीमा कार्यरत झन्डै चार हजार कामदारलाई क्वारन्टाइनमा राखेको छ । ती कम्पनीम करिब दुई हजार नेपाली कामदार रहेको बताइएके छ । कतारमा कार्यरत कामदारको मुख्य बसोबास स्थल औद्योगिक क्षेत्र सनैयामा रहेका क्याम्पलाई क्वारेन्टाइन बनाइएको हो । कामदारहरुलाई बिहीबारदेखि बाहिर निस्कन दिइएको छैन ।
क्वारन्टाइनमा रहेका नेपालीले आफूहरूको स्वास्थ्य सुरक्षाका लागि नै क्वारन्टाइनमा राखिएको जनाएका छन् । आठवटा बिल्डिङमा फरकफरक कम्पनीमा काम गर्ने नेपाली छन् । क्वारेन्टाइनमा बस्नेमा कोठाभाडामा लिई बसेका नेपालीहरू पनि रहेको समाचारहरु सार्वजनिक भएका छन् । यसमा धेरैजसो सेल्सम्यानको काम गर्नेहरू छन्। बाहिर गेटमा कतारी सुरक्षाकर्मीले पहरा दिइरहेका छन्। गेटबाट बाहिर निस्कन दिइएको छैन ।
प्रतिक्रिया