घाईते चराको उद्धार

कपिलवस्तु ६ चैत्र । नेपाल युवा परिषद जिल्ला शाखा कपिलवस्तुको अगुवाईमा  घाइते  भुडिफोर प्रजातिको चरालाई संरक्षणका लागी पहल गरिएको छ। करिब तिन महिना अघि रुखबाट खसेर घाईते अवस्थामा रहेको सारसलाई  जिल्लाको कपिलवस्तु नगरपालिका वर्डा न ६ बर्मेली टोलका  स्थानिय थम्मन बहादुर सुनारले हेरचाह गर्दै आउनुभएको थियो । सामान्य मजदुरी गरेर परिवार पालिरहेका सुनारले सारस आफु सगं सुरक्षित नभएको भन्दै नेपाल युवा परिषद जिल्ला शाखालाई खवर गर्नुभयो। परिषदका अध्यक्ष सुनिता बेल्वासे ,उपाध्यक्ष सुभद्र पोख्रेल,महासचिव बिनोद घिमिरे,सचिव संगिता भुषाल ,कोषाध्यक्ष प्रविन गौतम ,सदस्य लक्ष्मण सापबोटा सहितको टोलीले रुपन्देहीको बनबाटिका सामुदायिक वन सङ सहकार्य  गरि  उक्त घाईते सारसलाई संरक्षणका लागी हस्तान्तरण गरिएको छ। चराको उपचार गर्ने र सम्भव नभए काठमाडौ पठाउने तयारी भैरहेको बनबाटिका सामुदायिक वन समितिले जानकारी दिएको छ।