कपिलवस्तु १८ चैत्र । कपिलवस्तुको मायादेविमा क्वारेण्टाइन विरोधी जनमत धेरै देखिएकोछ। मायादेवि गाउपालिकाले राखेको क्वारेण्टाइनमा आफन्तलाई राख्न नचाहाने स्थानीय र क्वारेण्टाइनमा बस्न नहाचाने मिलेर विद्रोह गरेका छन् । त्यहावाट जवरजस्ती केहि ब्यक्तिहरु वाहिरीएको समाचार प्राप्त भएको छन् । पालिका अध्यक्ष बजरंगी प्रसाद चौधरी कुर्मीले यहाँ कोहिपनि क्वारेण्टाइन वस्न चाहान्नन जताकतै क्वारेण्टाइनको विरोध गर्नेहरु नै छन् भन्नु भयो ।
मैले धेरै कोसिस गरे त्यहा भएकालाई खान वस्न र चेकजाँचको ब्यवस्था मिलाएँ तर पनि क्वारेण्टाइन विरोधीहरुले ठाउठाउमा नारा लगाउने र विरोध गर्ने स्थिती देखियो उहाले प्रष्टाउनु भयो । मायादेविमा सम्हाल्न गाह्रो भयो भनेर प्रशासन कार्यलय र प्रहरीमा जानकारी दिएको छु । उहाहरुले पनि कुनै त्यस्तो निकास दिन सक्नु भएको छैन कुर्मीले भन्नु भयो ।
यता स्वास्थ्थ शाखा प्रमुख महेन्द्र यादवले मायादेविमा लक डाउनको समय पछि २÷३ सय मानिस आएको अनुमान गरिएको वताउदै एकातिर क्वारेण्टाइनमा जान नचाहाने अर्काे तर्फ सिधै गाउमा जाने संपर्कमा नआउने हुदा समस्या जटिल बनेको वताउनु भयो ।जो संपर्कमा आउनु भएको छ उहाहरु क्वारेण्टाइनमा वस्न इच्छुक देखिनु भएन त्यसैले दैनिक तारेखमा राखेर पालिकामा १ पटक आउने गरि पठाएको छु उहाले भन्नु भयो ।
यसैबीच सोमवार मायादेविको सेमरौटी सलमान र समसुद्धिन मुसालमान सहितका ४ जना दिल्लीवाट आए उनीहरु क्वारेण्टाइन जान चाहेनन् । गाउलले धेरै आग्रह् गरेपछि स्वास्थ्य चौकी गए तर स्वास्थ्य चौकीले तारेख दियो । यतिबेला गाउ नै आतंकित छ । यस्ता धेरै गाउ छन् जहाँ स्थिती भयाभव बन्दै गएको छ।
यता प्रहरी उपरिक्षक दिप शम्सेर जवाराले भन्नु भयो ९३ किमी खुला सिमावाट नेपाल भित्रने क्रम जेजे गरेपनि रोकिएको छैन । लुकिछिपी भित्रि रहेका छन् । प्रहरी एक्लैले सबै ठाउमा पुगेर नियन्त्रण गर्न सक्ने अवस्था छैन । स्थानीय सरकार छन् ।जनप्रतिनिधी छन् उनीहरु जिम्मेवार बन्न परयो जनप्रतिनिधीले सुरक्षा माग गरे हामी दिन्छौं उहाले भन्नु भयो । यता प्रजिअ दिर्घ नारायण पौडेलले यस्तै लकडाउन नमान्ने स्थिती विकसीत हुदै गए कपिलवस्तुमा कर्फयू आदेश जारी गर्ने स्थिती आउन सक्ने वताउनु भयो ।
प्रतिक्रिया