बरवा, ३० चैत । राष्ट्रिय जेष्ठ नागरिक समाज नेपालका केन्द्रीय अध्यक्ष चन्द्रकान्त आचार्यले कोरोना भाइरस (कोभिड–१९) बाट बच्न जेष्ठ नागरिकहरु बढी संवेदनशील हुन अपिल गर्नुभएको छ । अध्यक्ष आचाईले आज एक सन्देश जारी गर्दै जेष्ठ नागरिकहरुलाई कोरोना भइरसबाट बच्न लकडाउनको पूर्ण पालना गर्न अपिल गर्नुभएको हो ।
आचार्यले सन्देशमार्फत छिमेकी मित्रराष्ट्र चिनको बुहानमा पहिलोपटक देखापरेको कोरोना भाइरसका कारण विश्वमै महामारीका रुपमा फैलिएको सङ्क्रमणले मानवीय क्षति तथा अर्थतन्त्रमा परेको असरप्रति दुःख व्यक्त गर्नुभएको छ । यो संवेदनशील तथा दुःखद् घडीमा जेष्ठ नागरिक एवम् नेपाली नागरिकहरुमा सावधानी अपनाउन अनुरोध गर्दछु आचार्यले प्रकाशित गर्नुभएको सन्देशमा उल्लेख छ ।
आचार्यले सन्देशमा भन्नुभएको छ जेष्ठ नागरिकहरुको रोग प्रतिरोधात्मक क्षमता कम हुने हुँदा यस संवेदनशील घडीमा जेष्ठ नागरिकहरु बढी संवेदनशील हुन जरुरी रहेको र अहिले हाम्रो देशमा कोरोना भाइरसले महामारीको रुप नलिए पनि यस महामारीबाट बच्न अनुशासित, संवेदनशील र जिम्मेवार नागरिक बन्न सबैमा आग्रह गर्नुभएको छ । २०७६ सालको समाप्तिसँगै यो महामारी पनि समाप्त होस् २०७७ सालले सबैमा खुसी, समृद्धि र प्रगतिको उज्याले प्रदान गरोस् अध्यक्ष आचार्यद्वारा हस्ताक्षरित सन्देशमा उल्लेख छ ।
प्रतिक्रिया