किरियापुत्रीलाई ल्याइयो सिमानाबाट घरमा

अर्घाखाँची, १२ वैशाख । भारतीय क्वारेन्टाइनमा बसेका  पाणिनी गाउँपालिकाका एक  किरियापुत्रीलाई घरमा ल्याइएको छ ।  पाणिनि–४ पटौटी, निगालीका धनीश्वर विक लकडाउनका कारण  २३ दिनदेखि भारतको नौतनवा क्वारेन्टाइनमा बस्दैआउनुभएको थियो ।  क्वारेन्टाइनको बसाइकैक्रममा घरमा बिरामी बुवाको यही वैशाख ८ गते निधन भएपछि उहाँलाई काजकर्मका लागि घरमा ल्याइएको हो ।  स्थानीयवासी उदयबहादुरका एक्ला छोरा धनीश्वर बुवाको निधनमा पनि किरिया बस्न आउन नसकेपछि गाउँपालिकाले सङ्घीय सरकार र भारत उत्तर प्रदेश सरकारसंँग समन्वय गरी धनीश्वर र उनका छोरालाई लिएर आएको  गाउँपालिकाका अध्यक्ष अच्युत गौतमले बताउनुभयो ।