कपिलवस्तुकी स्टाफ नर्सका परिवारमा कोरोना रिपोर्ट नेगेटिभ

कपिलवस्तु, ४ जेठ ।  कपिलवस्तुको तौलिहवा अस्पतालमा कार्यरत एक जना स्टाफ नर्समा कोरोना भाइरस संक्रमण दखिए पनि उनको परिवारका सदस्यहरुको कोरोना रिपोर्ट नेगेटिभ आएको छ ।  मंगलबार २५ वर्षीया स्टाफ नर्समा कोरोना पोजेटिभ देखिएको थियो ।  

            परिवारका सदस्यहरु बुवा आमा लगायत ६ जनाको स्वाब लिएर परीक्षणका लागि पठाइएकोमा सबै जनाको रिपोर्ट नेगेटिभ आएको उनको पारिवारिक स्रोतले जानकारी दिएको छ ।  यसअघि अस्पतालका ५ जना डाक्टरको रिपोर्ट नेगेटिभ आएको छ ।