भैरहवा ९ जेठ । नेपाल प्रबेशमा सहज बनाएपछि रुपन्देही नाका भएर आउने नेपालीको संङ्ख्या ह्वात्तै बढेको छ ।आज मात्र अर्घाखाँचीका एक सय ५०, पाल्पाका ५१ तथा अन्य ५२ जिल्लाका करिब ६ सय जना नेपाल प्रबेश गरेका छन् । भारतको सुनौली बजारमा नेपाली आउने क्रम बढेपछि रुपन्देही प्रशासनले हरेक दिन नेपालीहरुलाई नेपाल प्रबेश गराउन थालेको हो । यस अघि नाकामा आउने नेपालीलाई भारतकै क्वारेण्टिनमै राखिन्थ्यो र अवधी सकिएपछि नेपाल ल्याउने गरिएको थियो । आउने संख्या बढेकाले अहिले क्वारेण्टिनमा नराखि सिधै नेपाल प्रबेशको अनुमति दिइएको छ ।
मान्छेको बिवरण राखेर उनीहरुलाई प्रबेशको अनुमति दिइएको छ ।गएको एक हप्तामा बेलहिया नाका भएर एक हजार नौ सय आठ जना नेपाली नेपाल प्रबेश गरेका छन् । नजिकका जिल्ला अर्घाखाँची, गुल्मी, पाल्पाका स्थानिय तहहरुले आफ्ना नागरिक लिन बस पठाउने गरेका छन् । उनीहरुलाई सम्बन्धित जिल्लाकै क्वारेण्टिनमा राख्ने गरेको छ । पूर्व मेची देखी महाकालीकै जिल्लाका नागरिकहरु भएकाले त्यस्तालाई अहिले रुपन्देहीकै क्वारेण्टिनमा राखिएको छ । अझै भारतको क्वारेण्टिन र खुल्ला ठाउँमा बसेका नेपालीको संख्या एक हजार बढी छ । यो संख्या हरेक दिन बढदो छ ।
प्रतिक्रिया