आज देशका अधिकांश भूभागमा वर्षा हुने पूर्वानुमान

काठमाडौं, ३२ जेठ । आज पनि देशका अधिकांश भूभागमा वर्षा हुने मौषम पूर्वानुमान महाशाखाले जनाएको छ । महाशाखाका अनुसार प्रदेश ६ र ७ मा अहिले हल्का वर्षा भइरहेकोमा दिउँसोसम्म प्रदेश १, २ गण्डकी र कर्णाली प्रदेशका १/२ स्थानमा भने भारी वर्षाको सम्भावना रहेको छ ।पूर्वी क्षेत्रमा संक्रिय मनसुनी वायु र पश्चिमी भूभागको पश्चिमी वायुको प्रभावले बिहान प्रदेश २, बागमती र ५ मा घाम लागे पनि मौसम बदली हुने महाशाखालेजनाएको छ ।

         आज दिउँसो प्रदेश १, २, बागमती, गण्डकी र ५ का केही स्थान तथा बाँकी प्रदेशका थोरै स्थानमा मेघगर्जन,चट्याङसहित वर्षा हुने सम्भावना छ। यस्तै राति प्रदेश २, गण्डकी, ५ नम्बर र कर्णाली प्रदेशका केही स्थान तथा बाँकी प्रदेशका थोरै स्थानमा मेघगर्जन,चट्याङसहित वर्षाको सम्भावना रहेको मौसम पूर्वानुमान महाशाखाले बिहान ६ बजे प्रकाशन गरेको मौसम पूर्वानुमान बुलेटिनमा उल्लेख छ ।