कार्यदलको कार्यदेशका लागि नेकपाको सचिवालय बैठकशुरु

काठमाण्डौ १ भदौ ।सत्तारूढ नेपाल कम्युनिष्ट पार्टीको सचिवालय बैठक आज बस्दैछ।प्रधानमन्त्री निवास बालुवाटारमा बिहान ९ बजे वाट शुरु बैठकमा समसामियक विषयमा छलफल हुने र पार्टीको विवाद समाधानका लागि बनेको कार्यदलको कार्यादेश निर्धारण गर्ने बताइएको छ।गत शुक्रबार प्रधानमन्त्री एवम् नेकपा अध्यक्ष केपी ओली र अर्का अध्यक्ष पुष्पकमल दाहाल  प्रचण्डु बीच भएको छलफलले ६ सदस्यीय कार्यदल बनाएको थियो।

    महासचिव बिष्णु पौडेलको संयोजकत्वमा बनेको कार्यदलमा स्थायी समितिमा भीम रावल, पम्फा भुषाल, जनार्दन शर्मा, सुरेन्द्र पाण्डे र शंकर पोखरेल सदस्य छन्।कार्यदलको कार्यादेशका लागि सचिवालय बैठक बस्नुपर्ने माग सचिवालय सदस्यहरूले गरेपछि बैठक बोलाइएको हो।नेकपाको सचिवालय बैठक यसअघि साउन ३ गते बसेको थियो।