लुम्बिनी

नवलपरासीको सामुदायिक वनमा नवजात शिशु मृत फेला



नवलपरासी २ पुष । पूर्वी नवलपरासी स्थित सामुदायिक वनमा नवजात शिशु मृत फेला परेका छन्।मध्यविन्दु नगरपालिकाको वनमा बुधबार बिहान पौने १२ बजे शिशुको शव फेला परेको हो। वडा नम्बर ५ को हरियाली सामुदायिक वन र ७ को विजय सामुदायिक वनको साधमा शव फेला परेको हो। प्रहरी नायब उपरीक्षक (डिएसपी) मोहनबहादुर खाँणका अनुसार शिशु बालक हुन्। 

प्रहरीले शिशुलाई कपडाले बेरी जेब्रा झोलाभित्र राखिएको अवस्थामा फेला पारेको हो।‘हामीलाई शिशु फेला परेको भनेर खबर आएपछि टोली खटिएको थियो,’ डिएसपी खाँणले भने, ‘शिशु महिना पुगेर जन्मिएको हो। मृत्यु पनि ताजा नै छ।’उनका अनुसार शिशुको कतै चोट पटक पनि देखिएको छैन। यो शिशु कसैले जन्माएर फालेको हुनसक्ने आशंका गरिएको छ। प्रारम्भिक अनुसन्धान पछि शव परीक्षणको लागि मध्यबिन्दु जिल्ला अस्पताल डण्डा, नवलपरासी लगिएको छ। अहिलेसम्म कोही पनि पक्राउ नपरेको प्रहरीले जनाएको छ। ‘हामी अनुसन्धान गरिरहेका छौं। अहिले कोही पनि पक्राउ परिसकेका छैनन्,’ उनले भने। 

प्रकाशित : २ पुस २०७७, बिहिबार

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल
  • समाचार संयोजक :  
    हरि घिमिरे

सोसल मिडिया

सूचना विभाग दर्ता नं.

८५८-२०७५/७६