पटौली नाकामा रहेको स्वास्थ्य इकाई बन्द, उपचारका लागि भारत जानुपर्ने बाध्यता

दाङ १३ माघ । दाङको राजपुर गाउँपालिका वडा नम्बर १ पटौलीनाकामा रहेको सामुदायिक स्वास्थ्य इकाई पुस २७ गतेदेखि बन्द भएपछि नागरिक सेवा पाउनबाट वञ्चित भएका छन्  ।सामुदायिक स्वास्थ्य इकाईमा कार्यरत एकजना अहेब, एकजना अनमी र एकजना कार्यालय सहयोगीले पुस २७ गतेदेखि स्वास्थ्य चौकी नखोलेपछि आफूहरुले स्वास्थ सेवा लिन नपाएकोे त्यहाँका हेमराज गिरीले गुनासो गर्नुभयो ।स्वास्थ्य इकाई बन्द हुँदा त्यहाँका बासिन्दा सामान्य उपचारका लागि पनि जंगलको बाटो हुँदै भारत जानुपर्ने बाध्यता रहेको छ  ।  राजपुर गाउँपालिका स्वास्थ्य शाखा प्रमुख कमल रोकायले स्वास्थ्य इकाई बन्द भएकाबारे कुनै पनि जानकारी नआएको प्रतिक्रिया दिनु भएको छ ।