कपिलवस्तु २४ माघ।कपिलवस्तु उद्योग वाणिज्यसंघमा निर्वाचनकालागि तालिका सार्वजनिक गरिएको छ । जस अनुसार आज शनिवार उम्मेदवारी दर्ता हुने भएकोछ । आइवार सम्म उम्मेदवारी फिर्ता लिने समय तोकिएकोछ भने सोमवार उम्मेदवारको अन्तिम नामावली प्रकाशन गरेपछि मंगलवार चुनाव हुने भएको निर्वाचन समितिका संयोजक रविराज आचार्यले वताउनु भएको छ । जस अनुसार टोप नारायण बेल्वासे अध्यक्ष रहेको नेकपा समर्थित एक प्यानल र डोेलकराम घिमिरे अध्यक्ष रहेको नेपाली कांग्रेस समर्थित अर्काे प्यानल बीच चुनावी प्रतिस्पर्धा हुने भएको छ ।
खास गरी नेकपा समर्थित प्यानलमा स्वतन्त्र उम्मेदवारी दिने पत्रकार सम्मेलन गरी सार्वजनिक गरेका उद्योगी नेत्र पाण्डेलाई नेकपा नेतृत्वले परामर्श गरी ब्याक गराएकोछ । आगामी दिनमा उचित स्थान दिने आश्वासन पाएपछि पाण्डेले उम्मेदवारी नदिने सहमति भएको वताइएको छ । तर कांग्रेस समर्थित मोर्चाका उम्मेदवारलाई असर पर्न सक्ने गरि बरिष्ट उपाध्यक्षमा उम्मेदवारी दिने घोषणा गरेका रमेश चन्द्र भुसालले भने अहिले सम्म र्फिा लिने कुनै संकेत देखिएको छैन ।
दुबैपक्षले चुनाव जित्ने दावि कायम राखेकै बीच ब्यावसायीमा सिंगो प्यानल एउटै समुहवाट नल्याउने गरी क्रमभोटिङको संभावन रहेको अगुवा ब्यवासायीहरु वताउछन् । श्रोतका अनुसार नेकपा समर्थित प्यानलमा अध्यक्षमा बेल्वासेको जीत जति सहज देखिएको छ अन्य पदाधिकारीमा भने त्यति ढुक्क हुने वाताबरण नवनेको विष्लेषण हुन थालेको छ ।
प्रतिक्रिया