बुटवलको ऐतिहासिक जनसभाको दवावले बैशाख मै चुनाव :न्यौपाने

कपिलवस्तु २७ माघ । नेकपा केन्द्रिय सदस्य एवम् कपिलवस्तु इन्चार्ज गिरधारीलाल न्यौपानेले फाल्गुण १ गते बुटवलमा हुने ऐतिहासिक जनसभाको दवावले बैशाख मै चुनाव हुने जिकिर गर्नु भएको छ । नेता न्यौपानेले पार्टीलाई विघटन गर्न खोज्नेहरुका विरुद्ध सघर्ष गर्दै गणतन्त्रको रक्षाका लागि पार्टीका सबै नेता कार्यकतामा प्रशिक्षणका माध्यमबाट भ्रम चिर्ने धारणा राख्नु भयो । 

     नेकपा कृष्णनगर नगर कमिटीको वैठकलाई सोमबार सम्बोधन गर्दै यस्तो धारणा राख्नु भएको हो । त्यस्तै नेकपाका केन्द्रिय सदस्य एवम् जिल्ला अध्यक्ष झविलाल पोख्रेलले  नेकपाले थुप्रै होनहार कार्यकर्ता नेकपाले उत्पादन गरेको चर्चा गर्दै पार्टीले सबै कार्यकर्ताको उचित जिम्मेवारी प्रदान गर्ने बताउनु भयो । नेता पोख्रेलले संकटका बेला कार्यकर्ताको पहिचान बन्ने बेला भएको जिकिर गर्नु भयो । 

     सन्दिप मौर्याको अध्यक्षतामा सम्पन्न वैठकले फाल्गुण १ गते बुटवलमा हुने विशाल जनसभामा नेकपा कृष्णनगर नगरकमिटीले ३० वटा बसहरु परिचालन गर्ने निर्णय गरेको बताउनु भयो । वैठकमा नेकपाका केन्द्रिय सदस्य शुसिल श्रीवास्तव, नेकपाका  जिल्ला नेता सफरअलिमियाले आफ्नो धारणा राख्दै सबै पार्टी कार्यकर्ता सुदृढ संगठन निर्माणमा एकिकृत हुन आग्रह गर्नु भयो ।