सेनाको ट्रकवाट १ को मृत्यू,बाघले फेरी खायो महिला

कपिलवस्तु ३ चैत ।कपिलवस्तुको वुद्धभूमीमा नेपाली सेना सवार रहेको ट्रकले ठक्कर दिदाँ एक युवकको मृत्यु भएको छ । मृत्यु हुनेमा शिवराज नगरपालिका वडा ५ निवासी २० वर्षीय भुुवन पाण्डे हुन् । पूर्व वाट पश्चिम जादै गरेको नेपाली सेना सवार बा १ ग २४२३ नम्बरको ट्रकले विपरित दिशा वाट आउँदै गरेको लु ३६ प ४५९८ नम्बरको मोटरसाईकललाई मंगलवार दिउसो एक बजे दुर्घटना भएको हो । 

बुुद्धभूूमी नगरपालिका वडा ९ चम्पापुरमा भएको ठक्करवाट अर्का एक जना २१ वर्षीय अमृत रोका मगर घाईते भएका छन् । घाइतेको खुुट्टामा गम्भीर चोट लागेको ईलाका प्रहरी कार्यालय गोरुसिगेका प्रहरी निरिक्षक कृष्ण रानाले बताउनुुभयो ।

यता बर्दिया राष्ट्रिय निकुञ्जमा पाटेबाघको आक्रमणबाट एक महिलाको ज्यान गएको छ । निउरो टिप्न गएका तीन महिलामध्ये ठाकुरबाबा नगरपालिका ७ की ५५ वर्षीय डल्ली रावतलाई बाघले लगेको र खोजी गर्दा निकुञ्जको बघौरा फाँटमा उनको शव भेटिएको बर्दिया राष्ट्रिय निकुञ्जले जनाएको छ । निकुञ्जका सहायक संरक्षण अधिकृत असिमकुमार थापाका अनुसार महिलाको अगाडिको आधा शरीर बाघले खाएको अवस्थामा भेटिएको छ । बर्दिया राष्ट्रिय निकुञ्ज र आसपास क्षेत्रबाट बाघको आक्रमणबाट यो वर्ष मात्रै दश जनाको ज्यान गइसकेको छ ।