प्रदेश सांसदलाई २४ घण्टाको म्याद, सांसदहरु पद गुमाउन तयार

बुटवल १३ चैत  ।नेकपा माओवादी केन्द्रले आफ्ना २ जना प्रदेश सभा सदस्यलाई स्पष्टीकरण सोधेको छ । केन्द्रले लुम्बिनी प्रदेशका प्रदेशसभा सदस्यहरु दधिराम न्यौपाने र दिनेश पन्थीलाई दल त्यागेको सुचना आएको भन्दै २४ घण्टे स्पष्टीकरण सोधेको हो । दलका सचेतक तुलाराम घर्तीले प्रेस नोट जारी गरि प्रदेशसभा सदस्यहरु न्योपाने र पन्थीले माओवादी केन्द्रका तर्फबाट निर्वाचित भएका प्रदेशसभा सदस्यहरु न्यौपाने र पन्थीले दल त्याग गरि अर्को दलमा प्रवेश गरेको भन्ने जानकारी आएकाले २४ घण्टे स्पष्टीकरण पत्र पठाईएको उल्लेख गरेका छन् । 

न्यौपाने र पन्थी संसद बिघटन पछि नेकपा ओली समुहमा लागेका थिए भने । सर्वाेच्च अदालतले नेकपा एमाले र नेकपा माओवादी केन्द्र पुनस्थापित गरेपछि नेकपा एमालेमै रहने घोषणा गरेका थिए । न्यौपाने रुपन्देहीको निर्वाचन क्षेत्र १ क र पन्थी गुल्मीको २ क बाट निर्वाचित भएका थिए ।तर दुबै सांसदहरुले यस अघि नै पद त्याग्न तयार रहेको तर एमाले नछाड्ने दावि गरेका छन् ।