कपिलवस्तु पत्रकार महासंघको चुनाव :अध्यक्षमा ३ को उम्मेदवारी

कपिलवस्तु २२ चैत ।नेपाल पत्रकार महासंघ कपिलवस्तुको निर्वाचनका लागि उम्मेदवारी दर्ताभएको छ । जिल्लाशाखाका लागि उम्मेदवारी दर्ता भएको हो । आइतवार भएको मनोनयनमा शाखा अध्यक्षका  लागि विभिन्न ३ जनाको परेको छ । संयुक्त प्यानलको तर्फबाट महासंघका वर्तमान अध्यक्ष  डिलाराम भुषाल र किरणमान बज्राचार्य, प्रेस मञ्चकोतर्फबाट कृष्णनगरका पत्रकार मनोज ओझाको उम्मेदवारी परेको नेपाल पत्रकार महासंघ कपिलवस्तुले जनाएको छ । 

यस्तै उपाध्यक्षमा  संयुक्त प्यानलका हरि अधिकारी र  बाबुराम रायमाझी र मधेसी प्यानलका रमेश कुमार मिश्राको उम्मेदवारी परेको छ ।  त्यस्तै गरि महिला उपाध्यक्षमा  संयुक्त प्यानलकी स्वेता गिरी र शारदा केसिको उमेदवारी  परेको छ । सचिव पदमा संयुक्त प्यानलका जानु पाण्डेको उमेदवारी परेको भए पनि संयुक्त प्यानलकै सनिउल्लाह धोबीले सचिवपदमै बाँगी उमेदवारी  दिनुभएको छ । सह सचिवमा संयुक्तप्यानलका सञ्जिब गहतराज र प्रेस मञ्चका निरहु यादवको उम्मेदवारी परेको छ ।  समावेशी सह सचिवमा राजेश चौधरी कुर्मिको एकल उमेदवारी परेकोले निर्विरोध हुनु भएकोछ । 

कोषाध्यक्षमा संयुक्त प्यानलका मोहन वेल्वासेको उम्मेदवारी पर्दा सोहि प्यानलका सम्भु मालिको बाँगी उमेदवारी  परेको छ । एकसीट महिला सदस्यमा श्रृजना खनाल र पावर्ती आचार्यको उमेदवारी परेको छ । १ सीट मधेशी सदस्यमा मनिष गुप्ता र राम लखन जयसवालको उम्मेदवारी परेको छ  । दलित सदस्यमा राम प्रकट कोरी र अल्पसंख्यक सदस्यमा नारद कोहारको एकल उम्मेदवारी परेको छ । खुला सदस्यहरुमा बासुदेव बर्मा, दिपक अनुरागी, नारायण भट्राई, अशोक पौडेल, दिलिपकुमार यादव, कृष्ण थापा, कृष्ण पौडेल ख, दिपक कुँवर, मणि प्रसाद गैह्रे, राजेन्द्र खनाल, राघवेन्द्र चौबे, रमेश गैरे, मनिष कार्की लगायतको उमेदवारी परेको छ । 

यस्तै प्रदेश परिषद् सदस्यतर्फ कुलराज भुषाल, थानेश्वर अधिकारी, केयर सिंह अदई , कृष्ण प्रसाद पौडेल, शितलआचार्य, दिपक भण्डारी, उमाशंकर थारु, भगवती न्यौपाने, भुपाल थापा, सरस्वती पौडेल, परसुराम यादव लगायतको उमेदवारी परेको निर्वाचन समितिले जनाएको छ।  यता केन्द्रिय पार्षद ४ जना निविरोध निर्वाचित भएकाछन् । जसमा लक्ष्मण बेल्वासे , सरोज अर्याल , शशि सापकोटा र मनोज कुमार श्रीवास्तक रहेका छन् ।