मोतिपुर औद्योगिक करिडोरको जग्गा रातारात कसले गरयो प्लटिङ ?

बुटवल ६ बैसाख  मोतिपुर औद्योगिक करिडोरको जग्गा कब्जा गरेर बसेकाहरुलाई प्रहरीले हटाएको छ ।सनिवार सांझ देखि सयौंको संख्यामा आएर कब्जा गरेकाहरुलाई आईतवार बिहान प्रहरीले लखेटेको थियो ।बुटवलको नयाँगाउँ, बेलवास,गोलपार्क, बुद्धनगर, मजुवा, दिपनगर तिलोत्तमाको सिमानगऱ,डिंगरनगर लगायतका ठाउँबाट  आएकाहरुले मोतिपुर औधोगिक करिडोरको बि ब्लकको जग्गामा चुना र डोरिले घेरा हालेर प्लटिङ गरेका थिए ।सुकुम्बासी खुलेको छ भन्ने हल्ला सुनेर आफुपनि आएको नयाँगाउकी लक्ष्मी बिकले बताईन । 

उनिहरुलाई सुकुम्वासीमा जग्गा पाईन्छ भनेर पठाएको बताएको भएपनी कसले पठायो भन्ने खुलाउन चाहेनन । प्रहरीले जग्गा कब्जा गर्न आएकाहरुबाट नाम दर्ताका लागि तयार पारीएको रजिष्टर नियन्त्रणमा लिएको छ ।