योजना छनोटको लागि अध्यक्षले मागे सुझाव

चन्द्रौटा १८ जेठ । शिवराज नगरपालिका वडा न ३ का अध्यक्ष टेकलाल सापकोटाले आगामी वर्षको योजना छनोटको लागि वडा वासि सँग सुझाव मागेका छन् । आर्थीक वर्ष २०७८।७९ को लागि वार्षिक कार्यक्रम निति तथा कार्यक्रम एवं बजेट तर्जुमा गर्नको लागि सुझाव मागेका हुन् । 

कोभिड १९को माहामारी भएकोले  भेला तथा छलफल गर्न असम्भव भएको भन्दै वडाका टोलहरुमा वडा सदस्यलाई खटाइएको अध्यक्ष सापकोटाले बताउनुभयो । वडाको बलुहवामा श्यामलाल थारु,बलुकियामा बुझावन थारु,मदवामा झगी थारु,कटुवामा सुनिता कलावरलाई जिम्मा दिइएको उहाँले बताउनुभयो ।

मंगलवार एक सुचना जारी गर्दै सामाजिक संजालमा आएका सुझावहरुलाई प्राथमिकता दिईने जनाइएको छ । फेसवुक म्यासेज,कमेन्ट तथा ईमेल मार्फत सुझाव दिनुहुन वडा अध्यक्षले आग्रह गर्नुभएको छ ।