कपिलवस्तु ६ असार । माओवादी नेता दीपक पाण्डेको हत्यामा प्रयोग भएका हतियार सहित एघार जनालाई पक्राउ गरि सार्वजनिक गरेको कपिलवस्तु प्रहरीलाई अर्काे सफलता हासिल भएको छ। प्रहरीले बाख्राको गोठबाट हतियार बरामद गरेको छ ।जिल्लाको कृष्णनगर नगरपालिका वडा नं. ८ लोहरौला बस्ने अस्लम मुसलमानको घरबाट दिउँसो ४ बजेको समयमा १ कि.मी.उत्तर पुर्व पर्ने आफ्नै खेतमा फुसले छाएको कच्ची बाख्रा गोठमा लुकाई राखेको हातहरियार प्रहरीले बरामद गरेको छ । गोप्य सुचनाको अधारमा ईप्रका गणेशपुरबाट प्रनि रण बहादुर विष्टको कमाण्डमा खटिईएको टोली र ईलाका प्रहरी कार्यालय बहादुरगंजबाट प्रनानि गगन शाहीको कमाण्डमा खटिएको संयुक्त टोलीले खानतलासी गर्दा गोठको छानोको खरमुनि बोरा भित्र लुकाई छिपाई राखेको अवस्थामा हातहतियार बरामद गरेको जिल्ला प्रहरी कार्यालय कपिलवस्तुले जनाएको छ ।
हातहतियारमा १२ बोर बन्दुक २ थान, सर्टगनमा लाग्ने लाईभ कार्टिज (जंगी राउण्ड) ५ थान, सर्टगनको पड्किएको खोका ११ थान, अं.३०० ग्राम बारुद जस्तो देखीने कालो धुलो पदार्थ, ५७ वटा छर्रा र ३ वटा जनावरलाई पासो लगाउने जाल फेला पारी बरामद गरेको जिल्ला प्रहरी कार्यालय कपिलवस्तुले जनाएको छ ।अस्लम मुसलमानको खोज तलास तथा हाथहथियार बारे अनुसन्धान प्रकृया अगाडि बढी रहेको कपिलवस्तु प्रहरीले जनाएको छ ।
प्रतिक्रिया