१०० शैयाको हस्पीटलले पार्ने प्रभावबारे सुनुवाई

कपिलवस्तु १५ असार ।नीजि क्षेत्रको लगानीमा युनाईटेड नेशनल हस्पिटल प्रालिले निर्माण गर्न लागेको १०० शैयाको अस्पताल निर्माणको प्रारम्भिक बातावरण परिक्षण तयारीको कामलाई तिब्र पारेको छ । मंगलबार हस्पिटलले बाणगंगा नगरपालिकाको वडा नं ४ मा सार्वजानिक सुनुवाई कार्यक्रमको आयोजना गर्दै स्थानिबासीहरुको रायसुझाब लिएको छ । अस्पताल निर्माणपछि स्थानिय बस्तीमा पार्ने बातारणीय प्रभाब के के हुन सक्छ?त्यसलाई हस्पिटलले कसरी ब्यवस्थापन गर्ने ? स्थानियका समस्या र मागलाई कसरी समाधान गर्छ लगाएतका अन्य बिषयबस्तुका बारेमा स्थानिले आआफनो प्रतिक्रिया दिएका थिए ।

 युनाइटेड हस्पीटल प्रा.लि.को नामवाट जीतपुर ४ नम्वरमा संचालित अस्पतालले तौलिहवा जीतपुर सडक खण्डको ठाकुरापुर र झंगा गाउको बिचमा बन्न लागेको हस्पिटल भएको हुनाले त्यस क्षेत्रको प्रतिनिधित्व गर्ने गरि स्थानियहरु जुटेका थिए । उनीहरुले आफ्नो क्षेत्रमा हस्पिटल बन्दै गरेमा खुसी ब्यक्त गर्दै स्वास्थका मापदण्डको पूर्ण पालना गरि निर्माणको कामलाई अघि बढाउन सुझाब दिएका थिए । बस्तीलाई कुनै पनि नकरात्मक असर नपर्नेगरि ब्यवस्थित र प्रभाबकारी ढंगबाट सेवा सुबिधा र आफ्नो कार्यलाई तिब्रता दिन माग गरेका छन । 

सार्वजानिक सुनुवाई कार्यक्रममा आएका बिषयबस्तुलाई प्रकाश पार्दै कन्सल्टेन्टका प्रतिनिधि रण बहादुर थापा अजय र नवसुजित भण्डारीले अस्पताल निर्माणको प्रारम्भिक बातावरण परिक्षण कार्यक्रमका बिषयमा प्रकाश पार्नुभएको थियो । सबै स्थानियहरुको आवाजलाई समेट्दै प्रतिवेदन बनाउने बताउनुभएको छ । कार्यक्रममा बोल्दै बाणगंगा नगरपालिका ४का वडा अध्यक्ष गणेश बहादुर क्षेत्रीले कुनै पनि खेतीयोग्य जमिनलाई असर नपर्ने गरि हस्पिटल निर्माणको काम अघि बढ्ने र यसका लागि नगर र वडाको तर्फबाट सक्दो सहयोग गर्ने स्पष्ट पार्नुभएको छ ।

कोभिड १९ले स्वास्थ्य क्षेत्रको महत्व झनै स्थापित गरेकाले कपिलवस्तुमात्र नभई लुम्बिनी प्रदेशका अधिकांश जिल्लालाई स्वास्थ्य सेवमा टेवा पुग्ने गरि बिशेषज्ञ सहितका सेवाहरु दिने प्रबन्ध निर्देशक सुन्दर आचार्यले बताउनुभयो । अहिलेसम्म ४० करोडको लगानी हस्पिटल बनाउन लाग्ने देखिएको बताउनुभएको छ ।सार्वजानिक सुनुवाई कार्यक्रममा अस्पतालका पदाधिकारी , वडा नं ४ का वडा सदस्य ,टोल बिकास संस्थाका प्रतिनिधि, लगाएतको उपस्थिती रहेको थियो । हस्पिटल निर्माण पश्यात सामान्य उपचारका लागि भारतको गोरखपुर, नौतनवा र बुटवल, भैरहवा जानुपर्ने बाध्यता हटने बिश्वास लिईएको छ ।