छोरीको चौतर्फी विकासकालागि विजयनगरको विशेष अभियान

कपिलवस्तु २७ असार । छोरीको बचावट ,संरक्षण ,विकास र  दक्ष तुल्याउन कपिलवस्तुको विजयनगरले केहि दिन अघि ल्याएको वजेटमा  ‘छोरी बचाऔँ, छोरी पढाऔँ’ नारालाई अघि सारेको प्रति स्थानीयको सकारात्मक प्रतिकृया प्राप्त भएको छ।  विजय नगर २ का प्रभु यादवका अनुसार यो कार्यक्रमले मधेसी मूलमा छोरी प्रतिको धारणा बदलेर संरक्षण र सम्मान वढाउने वताए । गाउँपालिकाले परिवारमा पहिलो जन्मने छोरीका नामको बैंक खाता सञ्चालन गरी रु १५ हजार बचत कार्यक्रम ल्याएको छ ।

मधेस वाहुल्य पालिकाको ग्रामीण क्षेत्रमा छोरीलाई जन्मजात र जन्मिएपछि बचाउन ,उमेर क्रमसंगै पढाउन र किसोराबस्था हुदै यूवा अवस्थावटै भविष्य सुन्दर बनाउन कार्यक्रम ल्याइएको गाउँपालिका अध्यक्ष गोपालबहादुर थापाले बताए । “परिवारको पहिलो छोरीको खातामा गाउँपालिकाले रु १५ हजार बचत गर्छ र त्यो शिशुको परिवारलाई पनि अनिवार्य कम्तीमा रु पाँच हजार वा त्योभन्दा बढी रकम जम्मा गर्न लगाइन्छ”, उनले भने । उक्त रकम २० वर्षका लागि बचत गरिने र छोरी २० वर्ष पुग्दा उच्च शिक्षाका लागि प्रयोग गर्न सकिने उद्देश्यले यो कार्यक्रम अघि सारिएको हो ।

उक्त रकम पाउन गाउँपालिकाले गर्भवतीले नियमित स्वास्थ्य संस्थामा जाँच गरे नगरेको रिपोर्ट कार्ड अनिवार्यसमेत गराएको छ । त्यसले गर्दा गर्भावस्थामा जाँच गर्नेको सङ्ख्यामा वृद्धि हुने गाउँपालिकाको अपेक्षा छ । गर्भवतीले अनिवार्य बर्थिङ सेन्टरमा शिशु जन्माउनुपर्ने छ । कार्यक्रममार्फत शिशु जन्मेको ३५ दिनमा नै जन्मदर्ता गराइसक्नुपर्ने व्यवस्था रहेकाले जन्म दर्ता पनि समयमा नै हुने अध्यक्ष थापाले बताए ।फोटो M फाइल तस्बीर