कपिलवस्तुमा दुर्घटनामा हुदा अर्घाखाँचीका १को ज्यान गयो १ गंभिर

अर्घाखाँची १२ साउन ।कपिलवस्तुको बाणगंगा नगरपालिका ८ चप्परगाउँमा भएको सवारी दुर्घटनामा एक जनाको मृत्यु भएको छ । आइतवार दिउसो ५ बजे पुर्व देखी पश्चिम तर्फ आउदै गरेका लु ३ त ४७०१ नम्वरको ट्याक्टर र बा–०२–०२५ प १०२६ नम्वरको मोटर साइकल एक आपसमा ठक्कर खाएका थिए । ठक्कर पछि मोटर साइकलमा सवार २ जना घाइते भएका थिए ।

घाइते मध्ये अर्घाखाँची जिल्ला सन्धीखर्क नगरपालिका वडा नं. १ का वर्ष ३० को दान बहादुर खड्का को उपचारको क्रममा चौराहा अस्पताल बुटवलमा मृत्यु भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक दीलिप कार्कीले बताउनु भयो । मोटर साइकलमा सवार सोही ठाउँका वर्ष २८ को शिव केसीको अवस्था गम्भिर रहेको बताइएको छ ।