आफ्नै सन्तानलाई वेवास्ता गरेपछि सांसद ओलीलाई २ नवालकले दिए मुद्धा

दाङ ८ भदौ । लुम्बिनी प्रदेश सभाकी सांसद विमला वली खत्रीविरुद्ध अंश मुद्दा परेको छ । सांसद वलीका दुई छोराहरू प्रणय वली (१२ वर्ष) र दिवाकर वली (९ वर्ष) का तर्फबाट साहिँलो बुबा अमरबहादुर वलीले दाङ–देउखुरी जिल्ला अदालतमा अंश मुद्दा दर्ता गर्नुभएको हो ।

दाङ जिल्ला अदालतका स्रेस्तेदार धनसिंह गिरीले दाङको दंगीशरण गाउँपालिका–६ लेटारका अमरबहादुर वलीले सांसद विमला खत्रीविरुद्ध अंश मुद्दाको निवेदन दर्ता गर्नुभएको जानकारी दिनुभयो ।  स्रेस्तेदार गिरीका अनुसार यही भदौ ३ गते पेस भएको मुद्दाको दर्ता नम्बर ०७३ (०७८/००३६२) रहेको छ ।