कपिलवस्तु १८ भदौ । एमालेकी केन्द्रिय नेतृ एवम राष्ट्रिय सभा सदस्य विमला घिमिरेले माधव नेपाल नेतृत्वको पार्टीले आउने चुनावमा एक्लै लडेर एकसीट पनि जित्न नसक्ने ठोकुवा गर्नु भएको छ । उहाँले एमालेवाट जित्ने आफ्नो सरकार ढालेर कांग्रेसको सरकार वनाउदै रमाउने माधव नेपाललाई आउदा दिनमा जनताले दण्डीत गर्ने वताउनु भयो ।
राष्ट्रिय युवासंघ नेपाल कपिलवस्तुको तौलिहवा नगर स्तरीय भेला तथा अधिबेशनलाई संवोधन गर्दै उहाँले यस्तो वताउनु भएको हो । सांसद घिमिरेले एमाले फूटाउन जुन ढंगका देशी विदेशी शक्ति लागि परे त्यस अनुसार हुन नसकेपछि अहिले पनि एमाले प्रति चौतर्र्फी प्रहार हुने क्रम नरोकिएको वताउनु भएको छ ।
यस्तै एमालेका यूवा नेता एवम प्रदेश सांसद विष्णु पन्थीले एमालेले थोरै नेता कार्यकर्ता गुमाए पनि जनताको विश्वास आसा , भरोसा र विश्वास नगुमाएकाले फेरी पनि चुनाववाट केन्द्रिय सत्ता हात पार्नेमा कुनै शंका नरहेको वताउनु भयो । उहाँले माधव नेपाल लगायतका नेता पछुताएर फेरी पार्टीमा फर्कनुको कुनै विकल्प नभएको समेत स्पष्ट पार्नु भयो । केहि साथीहरु जनताको भावना नबुझी अर्काेदल वनाएर जानु भएको छ ।
अवको चुनावमा जनताले दिने सजाए भुक्तान गरेर फेरी एकता प्रकृयामा आउनु हुन्छ भन्दै छाडी जानेलाई के भन्नु र खोई भन्ने उखान सुनाउनु भयो ।भेलामा एमालेका जिल्ला अध्यक्ष झविलाल पोख्रेलले वोल्दै कपिलवस्तु नगरमा यूवाहरुको यति ठूलो उत्साह देख्दा सिंगो पार्टी पक्ति उत्साहित भएको वताउनु भयो ।
उहाँले भन्नु भयो एमाले राजमार्गमा मात्र केन्द्रित छ भन्ने मान्यता तोडिएको र सिमा क्षेत्र सम्म एमालेको गढ बन्दै गएको वताउनु भयो ।
युवासंघका जिल्ला सचिव श्याम सुवेदीको अध्यक्षता, एमालेका नगर सचिव श्याम प्रजापतिको संचालन र एमालेका जिल्ला सदस्य सुन्दर पाण्डेको स्वागत मन्तब्य बीच आयोजना भएको यूवासंघको नगर भेलालाई संबोधन गर्दै एमालेका प्रदेश कमिटी सदस्य एवम पूर्व सांसद शान्तिदेवि हरिजन , जिल्ला उपाध्यक्ष वावुराम खनाल , नगर सह इन्चार्ज बिमल सारु मगर ,जिल्ला नेता किरण देवकोटा ,नगर अध्यक्ष भेषराज पाण्डे लगायतले कपिलवस्तु नगरपालिकामा आगामी चुनावमा एमालेलाई सत्तासिन तुल्याउन यूवापंक्ति जुरमुराएको दावि गर्नु भयो ।
भेलामा नगरका १२ वटै वडावाट २०० वढी अगुवा कार्यकर्ताको सहभागिता थियो । भेलातथा अधिबेशनवाट नारायण प्रसाद पौडेलको अध्यक्षतामा ३३ सदस्यीय नगर कमिटी निर्वाचित भएको छ ।
प्रतिक्रिया