मानव बेचबिखन र ओसार पसार विरुद्ध सचेतना शिविर

कपिलवस्तु २१ भदौ । शान्ति पुनस्थापना गृह कपिलवस्तुको आयोजनामा मानव बेचविखन तथा ओसारपोसार विरुद्ध किशोरीलाई सचेतना कार्यक्रम सम्पन्न भएको छ । शिवराज नगरपालिका वडा १ का ४० जना महिला तथा किशोरीहरुलाई मानव बेचविखनमा नेपालको पछिल्लो अवस्था र मुख्य कारणहरुको विषयमा छलफल गरिएको हो । वडा  न १ को सहयोगमा आयोजित उक्त कार्यक्रममा वोल्दै शिवराज नगर उपप्रमुख शिवकुमारी थारुले महिला किशोरीहरु सचेत नहुदाँ सम्म यस्ता घटनाहरु भइरहने बताउनुभयो ।

रोजगार,पैसा,विवाह लगाएतका प्रलोभनमा परि वाहिरी मुलकहरुमा लैजाने र त्यहा बन्धक शोषण गर्ने गरेको बताउनुभयो । नगरका किशोरीलाई पटक पटक उद्धार गरिएकोले अब यस्ता घटनाहरु दोहोराउन नहुने बताउनुुभयो । कार्यक्रममा राष्ट्रिय मानव अधिकार प्रतिष्ठान कपिलवस्तुका सभापति विष्णु प्रसाद खतिवडाले मानव बेचविखन न्यूनिकरण गर्न शान्ति पुनस्थापना गृहको योगदान रहेको भन्दै प्रशंसा गर्नुभयो । 

कार्यक्रममा व्यापार संघ कपिलवस्तुका अध्यक्ष महादेव पोख्रेलले किशोरी तथा महिला सचेत भएमा मानव बेचविखन स्वतः घटने बताउनुभयो । समाजिक संजालको दुरुपयोगका कारण पनि नेपाली महिलाहरु बेचिन पुगेको बताउनुभयो । वडा अध्यक्ष जगत जिसीको अध्यक्षतामा भएको कार्यक्रममा शान्ति पुनस्थापना गृहका क्षेत्रीय संयोजक भुमिराज भट्टराईले पछिल्लो मानव बेचविखनको अवस्था, बेचविखनको कारण लगाएतको विषयमा प्रशिक्षण दिनुभएको थियो । वडा प्रहरी कार्यालय चन्द्रौटाका प्रहरि निरिक्षक संकर आचार्यले कानूनि व्यवस्थाको वारेमा प्रशिक्षण दिनुभएको थियो ।