कपिलवस्तु,१३ असोज । नेपाली कांग्रेस कपिलवस्तुमा आज गाउँ र नगर समितिका अधिवेशन आज हुँदैछन् । आसन्न पार्टीको १४ औं महाधिवेशन अनुसार केन्द्रीय समितिले आज जिल्लाका पालिका अधिवेशनका लागि मिति तोकेको हो ।
१० स्थानीय तह रहेको कपिलवस्तुमा अधिवेशन हुन थालेको कांग्रेस कपिलवस्तुले जनाएको छ । जिल्लाका ९६ वडाका अधिवेशन सम्पन्न भएसंगै कांग्रेस कपिलवस्तु गाउँ र नगर अधिवेशनमा आज जुटेको हो ।
१० स्थानीय तह मध्ये ४ गाउँपालिका र ६ नगरपालिकामा आज एकै दिन निर्वाचन हुने निर्वाचन अधिकृत घनश्याम पन्तले जानकारी दिनुभयो ।
गाउँ र पालिका अधिवेशनको मतदाता नामावली हिजो नै जिल्ला पार्टी कार्यालयका प्रकाशन भैसकेको छ । आज बुथमा पनि मतदाता नामावली प्रकाशन हुने छ । विहान ७ बजेदेखि निर्वाचन कार्यक्रम प्रारम्भ हुने जिल्ला निर्वाचन अधिकृत पन्तले बताउनुभयो ।
जिल्लामा सर्वसम्मत नेतृत्व चयनका लागि कोसिस भएपनि अधिकांश स्थानमा चुनाव हुने पक्का छ । सबै स्थानीय तहमा कांग्रेसका नेता उम्मेदवारी घोषणा गरी चुनावी मैदानमा उत्रिएका छन् ।
प्रतिक्रिया