सल्यानमा बस दुर्घटना हुँदा ९ जनाको मृत्यु ।

दाङ, २१ कात्तिक ।  पश्चिम नेपालको सल्यान जिल्लाबाट दाङको तुलसीपुरतिर आँउदै गरेको एउटा यात्रुवाहक बस दुर्घटनामा पर्दा कम्तीमा नौ जनाको मृत्यु भएको जिल्ला प्रशासन कार्यालय सल्यानले जनाएको छ। दुर्घटनामा ९ जनाको मृत्यु भएको जिल्ला प्रहरी कार्यालय सल्यानका डीएसपी गोविन्द थापाले जानकारी दिए ।

सल्यानको खलंगाबाट दाङको तुलसीपुर जाँदै गरेको रा१ख २५५२ नम्बरको बस आज बिहान ११ बजेतिर कपुरकोट गाउँपालिका ५ स्थित खारखोलामा दुर्घटना भएको हो । डीएसपी थापाका अनुसार बस सडकबाट २०० मिटर तल खसेको छ । दुर्घटनाका घाइतेहरूलाई उपचारका लागि सल्यानकै श्रीनगर लिइएको छ ।