तुलसीपुरमा २३ गतेदेखि २९ गतेसम्म प्रथम प्रादेशिक फेस्टिबल २०७८ संचालन हुँदै

तुलसीपुर
१५-मंसिर । ‘पर्यटन प्रबद्र्धनको विकास’ भन्ने नाराका साथ तुलसीपुरमा प्रथम प्रादेशिक फेस्टिबल २०७८ संचालन हुने भएको छ । चन्द्सुर्य यातायात प्रालिको आयोजनामा मंसिर २३ गतेदेखि २९ गतेसम्म तुलसीपुर उपमहानगरपालिका वडा नं. ६ बरुगाउँमा महोत्सव संचालन हुने भएको हो ।

आयोजकले बुधबार तुलसीपुरमा पत्रकार सम्मेलनको आयोजना गरेर महोत्सवको बारेमा जानकारी दिएको हो । महोत्सवमा मनोरन्जनका कार्यक्रमसहित विभिन्न प्रतियोगिता र १ भन्दा बढी स्टलहरु राखिने आयोजक मुल समारोह समितिका संयोजक शम्भु गिरीले जानकारी दिए । उनका अनुसार हस्तकला प्रतियोगिता, कृर्षीजन्य बस्तु प्रर्दशन, खुल्ला नृत्य प्रतियोगिता, साईक्लिन प्रतियोगिता, खुला फुटबल प्रतियोता हुने छन् । त्यसैगरी महोत्सव अवधिभर मनोरञ्जनका लागि प्याराग्लाईडिङको व्यवस्था रहेको र त्यसका लागि पोखराबाट प्राविधिकहरु आउने आयोजकले जनाएको छ ।

महोत्सवमा अटोमोबाईल, गाडी, बाईकको स्वोरुम, तथा घरेलु बस्तुहरुको प्रर्दशनी राखिने भएको छ । मेलाबाट भएको केही प्रतिशत आम्दानीको शैक्षिक क्षेत्रमा लगानी गर्ने संयोजक रेग्मीले जानकारी दिए । महोत्सव करिब चार लाख दर्शकहरुले अवलोकन गर्ने र एक करोडको आम्दानी गर्ने आयोजकको लक्ष्य छ । अहिले महोत्सवको लागि सामानहरु बुकिङ भईसकेको र केही सामानहरु आउँदै गरेको उनले बताए ।