बबई गाउँपालिकामा १५ सैयाको पुरन्धारा अस्पतालको निर्माण प्रक्रिया सुरू

बबई
२४-मंसिर ।बबई गाउँपालिकाको १५ सैयाको पुरन्धारा अस्पतालको निर्माण प्रक्रिया सुरू भएको छ । शुक्रबार निर्माण कार्यको बबई गाउँपालिकाका अध्यक्ष भुबनेश्वर पौडेल, प्रमुख प्रशासकीय अधिकृत भिष्मकुमार मल्ल, वडा अध्यक्ष नन्दलाल वलीले शिलन्यास गरी सुरू गरेका हुन् ।

सबै स्थानीय तहमा १५ सैयाका अस्पताल निर्माण गर्ने संघीय सरकारको लक्ष्य अनुसार बबई गाउँपालिकाको वडा नम्बर ३ हंसपुरमा अस्पताल निर्माण प्रक्रिया सुरू भएको हो । बबई गाउँपालिका मार्फत् निर्माण हुने अस्पतालको प्रतिष्ठारक्षितिजरज्ञानज्योती जेभीले जिम्मा लिएको छ । निर्माण कम्पनीले २०७८ साल जेठ महिनामा सम्झौता गरेको थियो ।

निर्माण कम्पनीले २०८० सालको जेठ महिनासम्म अस्पताल निर्माण गरेर हस्तान्तरण गर्ने सम्झौता रहेको बबई गाउँपालिका प्राबिधीक शाखाका प्रमुख ईञ्जीनीयर राजेश देबकोटाले जानकारी दिए । अस्पतालको भवन निर्माणका लागि कम्पनीले भ्याटसहित ११ करोड ९८ लाख रुपैयामा सम्झौता गरेको छ ।