१०भाईलाई समाजवादी फर्कन माधवको आवहान

बुटवल २५ मंसिर । पूर्वप्रधानमन्त्री एवं नेकपा (एकीकृत समाजवादी)का अध्यक्ष माधव कुमार नेपालले पार्टी विभाजनमा साथ नदिएका १० भाईलाई केपी ओलीको कम्पनीबाट मुक्त भएर सामाजवादीमा सामेल हुन आग्रह गरेका छन् । एमाले विभाजनको क्रममा साथ नदिएका भीम रावल, धनेश्याम भुसाल लगायतका १० नेताहरुलाई एकृकित समाजवादीकमा स्वागत गर्न तयार रहेको बताउँदै बिहान हराएको परिवारको सदस्य साँझ फर्कियो भने हराएको नभन्न नमिल्ने टिप्पणी गरेका छन् ।
समाजवादी प्रेस संगठन नेपाल रुपन्देहीले शनिवार बुटवलमा आयोजना गरेको पत्रकार सम्मेलनमा बोल्दै कम्युनिष्ट आन्दोलन, समाज परिर्वतनको अभियान जुटन, कम्युनिष्ट आन्दोलनमा सहभागि हुन र माक्र्सवादको मागर्दशनलाई अघि बढाउन चाहेको भए केपी ओलीको प्राइभेट कम्पनीबाट मुक्त भएर एकीकृत समाजवादीमा सामेल हुन आग्रह गरेका हुन ।