कपिलवस्तु १३ पुस। कपिलबस्तुको बाणगंगा नगरपालिकाले पहिलो पटक तयार पारेको कपिलवस्तु र बुद्ध शिक्षा विषयक स्थानीय पाठयक्रम लागु गर्न कपिलवस्तु र अन्य जिल्लाका स्थानीय तह बीच प्रतिस्पर्धा नै शुरु भएको वाणगंगाका उपमेयर चक्रपाणी अर्यालले वताउनु भएको छ । उहाले नगरका शिक्षक शिक्षिका बिचमाभएको पाठयक्रम प्रबोधिकरण मा यस्तो वताउनु भएको हो ।
गत आर्थिक बर्षदेखि औपचारीक रुपमा लागु गरिएको पाठ्यक्रमको सोमबार नगरभित्रका कक्षा ६ देखि ८ सञ्चालन भएका बिद्यालयहरुका शिक्षकहरु बिचमा प्रबोधिकरण गरिएको हो ।उपमेयर अर्यालले बौद्धशिक्षाले बालबालिकामा सकारात्मक , रचनात्मक र सृजनात्मक सोचको विकास हुने बताउनुभयो । साथै उहाले बालबालिकामा सदाचार शैली विकास गर्न बुद्धशिक्षा अपरिर्हाय रहेको बताउनुभयो ।
बौद्ध शिक्षा पाठ्यक्रम निर्धारण समितीका संयोजक डम्मर शर्माले बाणगंगाबाट लागु भएको कपिलबस्तु र बुद्ध शिक्षा जिल्लाका अन्य पालिका हुदै प्रदेशका अन्य जिल्लामा समेत लागु हुने स्थिती बन्नु सुखद भएको बताउनुभयो ।बाणगंगा शिक्षा शाखाका प्रमुख बाबुराम भटट्राईले कपिलबस्तु र बुद्ध शिक्षा लागु गर्नु बाणगंगाका लागि नया अवसर भएको बताउनुभयो । उहाले बाणगंगाले सुरु गरेको स्थानीय पाठ्यक्रम आफैमा ओजनदार रहेको समेत स्पष्ट पार्नुभयो ।नगरका ५२ विद्यालयमा लागु भएको बुद्ध शिक्षा पढाउनका लागि शिक्षक शिक्षिकालाई ३ दिनको अभिमुखिकरण राखिएको हो ।३ दिने तालिममा बिषय बिज्ञका रुपमा डम्मर शर्मा, गुनाखर गैर र पोम नारायण पौडेलले सहजीकरण गर्ने वताइएको छ ।
प्रतिक्रिया