शितगंगा, २१ फागुन । अर्घाखाँचीको शितगंगा नगरपालिकाका प्रमुख प्रशासकीय अधिकृत झविन्द्र खनाल प्रधानमन्त्रीबाट सम्मानित हुनु भएको छ ।
नेपाल निजामती कर्मचारी युनियनको आठौं महधिवेशनको उद्घाटन कार्यक्रममा निजामती कर्मचारीहरुको आधिकारिक ट्रेड युनियन,अर्घाखाँचीका पूर्व अध्यक्ष झविन्द्र खनाललाई उत्कृष्ट तथा रचनात्मक क्रियाकलाप संचालन गरेको भन्दै सम्मान गरिएको हो ।
उद्घाटन कार्यक्रमका प्रमुख अतिथि नेपाली काग्रेसका सभापति तथा सम्माननीय प्रधानमन्त्री शेर बहादुर देउवाले सम्मान पत्र र दोसल्ला ओढाएर सम्मान गर्नु भएको थियो ।
कर्मचारीहरुको आधिकारिक ट्रेड युनियन,अर्घाखाँचीको अध्यक्ष भए पछि जिल्लामा धेरै रचनात्मक क्रियाकलाप सेवा प्रवाह सम्बन्धि अन्तरक्रिया कार्यक्रम, स्वागत तथा विदाई कार्यक्रम, निस्शुल्क लोकसेवा तयारी कक्षा संचालन, प्राज्ञिक पुस्तक वृत्ति प्रकाशन गर्दै देश भरीमै उत्कृष्ट कार्य संचालन भएको थियो ।
उहाँ अहिले नेपाल सरकारको उपसचिवमा सिफारिस भई देशकै सबैभन्दा ठूलो नगरपालिका शितगंगाको प्रमुख प्रशासकीय अधिकृतको रुपमा कार्यरत हुनुहुन्छ ।
प्रतिक्रिया