उज्यालो विनाको दिप र सिप विनाको मानिस अर्थहिन हुन्छ : अर्याल

कपिलवस्तु २१ फागुन । बाणगंगा नगरपालिका वडा नं.११ का वडा अध्यक्ष सोमनाथ अर्यालले उज्यालो विनाको दिप र सिप विनाको मानिसको जीवन अर्थहिन हुने बताउनुभएको छ । बाणगंगा नगरपालिका वडा नं.११ द्धारा आयोजित एक हप्ते डल तथा कुशन बनाउने तालिमको समापन कार्यक्रमलाई सम्बोधन गर्दै वडा अध्यक्ष सोमनाथ अर्यालले यस्तो बताउनुभएको हो । ‘उज्यालो विनाको दिप र सिप विनाको मानिसको जीवन अर्थहिन हुन्छ । त्यसैले हामीहरुले सिप सिक्न जरुरी छ ।’ उहाँले भन्नुभयो ।

सोही कारण वडा कार्यालयले प्रत्येक बर्ष दलित समुदायका युवायुवतीको अवश्यकतालाई मध्येनजर गरि विभिन्न किसिमका सिप विकास सम्बन्धि तालिम संचालन गरिरहेको बताउनुभयो । कार्यक्रमका प्रमुख अतिथि समेत रहनुभएका वडाध्यक्ष अर्यालले तालिममा प्राप्त ज्ञान सिपलाई व्यवहारिक जीवनमा लागु गरि आयआर्जनको बाटोमा अघि बढ्न आग्रह समेत गर्नुभएको छ ।

वडा सदस्यहरुको आतिथ्यता रहेको तालिमको समापन कार्यक्रमको संचालन वसन्ती परियारले गर्नुभएको थियो ।

लक्ष्मी थारुले प्रशिक्षण प्रदान गर्नुभएको उक्त तालिममा १२ जना महिलाहरुको सहभागिता रहेको थियो । तालिममा सहभागिहरुले वडाले आफ्नो जीवन स्तर उकास्न महत्वपूर्ण खेलेकोमा खुशी व्यक्त गर्दै वडालाई धन्यवाद दिए ।