राजनितिक दलले नेतृत्व नटुंग्याई दिँदा शहरी खानेपानी उपभोक्ताको अधिबेशन अलपत्र

अर्घाखाँची १२ चैत ।राजनितीले सबै क्षेत्र गिजोले पछि कस्तो हुन्छ भन्ने उदाहरन अर्घाखाँचीमा देखिएको छ । सन्धिखर्क बजारका करिव २० हजार जनतालाई पिउने पानी उपलब्ध गराउने सन्धिखर्क साना शहरी खानेपानी तथा सरसफाई उपभोक्ता मूल संस्थाको शनिबार हुने भनिएको साधारण सभा तथा अधिवेशन राजनितिक दलले नेतृत्व नटुंग्याई दिँदा अलपत्र परेको हो ।
गत १९ माघमा बसेको सञ्चालक समितिको बैठकले संस्थाको अधिवेशन चैत १२ गतेका दिन भव्य रुपमा सम्पन्न गर्ने निर्णय गरेको भएपनि राजनितिक दलहरुले नेतृत्व बाँडफाँटमा समय नदिएपछि अधिवेशन अलपत्र परेको अध्यक्ष दुर्गाप्रसाद श्रेष्ठले बताए । ‘म त हाल बुटवल छु, धेरै बुझ्न पाएको छैन , अध्यक्ष श्रेष्ठले भने, ‘अधिवेशन त हुन्छ होला आज सर्वदलीय बैठक बस्दैछ भन्ने सुनेको छु ।’दलीय बाँडफाँट नमिलेका कारण अधिवेशन अनिश्चित भएको सचिव कमलप्रसाद घिमिरेले संकेत गरे । अधिवेशनको लागि आफुहरु तयारी अवस्थामा रहेको संस्थाका कार्यालय प्रमुख कृष्ण आचार्यले बताए