जल जमिन जंगल र वाहुल्य क्षेत्रको राजनीतिमा अग्राधिकार चाहियो :थारु

कपिलवस्तु १३ चैत्र । थारु कल्याणकारिणी सभाका केन्द्रीय सदस्य जंजिर प्रसाद थारुले जल,जमिन र जंगलमा आदीवासीको अग्राधिकार भए जस्तै वाहुल्य क्षेत्रको राजनीतिमा पनि अग्राधिकार स्थापना गर्न शशक्त रुपमा लाग्नु पर्ने वताउनु भएको छ । थारु कल्याणकारिणी सभा कपिलबस्तुको बिस्तारीत भेलामा बोल्दै उहाले यस्तो वताउनु भएको हो । भेलावाट पंचबर्षिय कार्ययोजना निर्माण गर्नकार्यदल गठन भएको छ । कार्ययोजना निर्माणका लागि जिल्ला सभापति उमाशंकर थारुको संयोजकत्वमा २० सदस्यीय कार्यदल समेत गठन भएको छ । यसैविच कार्यक्रमको अवसरमा महिला सभाको केन्द्रिय उपाध्यक्षमा कमला थारु र महिला सदस्यमा सन्तोषि थारु निर्वाचित भएकोमा बधाई तथा सम्मान समेत गरिएको छ ।
कार्यक्रममा आगामी स्थानीय तहको निर्वाचनमा थारु बहुल्य रहेको नगरपालिकामा मेयर वा उपमेयर, गापाउपालिकाको अध्यक्ष वा उपाध्यक्षमा , वडा अध्यक्ष , सदस्य पदमा थारु समुदायबाट धेरै भन्दा धेरै उम्मेदवारीका लागि विभिन्न राजनितीक दलहरुसंग अनुरोध गरिने समेत निर्णय भएको छ । कार्यक्रममा केन्द्रिय सदस्य सुमित्रा थारु ,जिल्ला समन्वय समिती उपप्रमुख तारावती थारु, बुद्धभुमिनगरपालिका उप प्रमुख मिरा थारु लागएतले वोल्नु भएको थियो । कार्यक्रम अध्यक्ष उमाशंकर थारुको अध्यक्षता,सचिव जगतदेव थारुको स्वागत ,सहसचिव राजेश थारुको संचालनमा सम्पन्न भएको हो ।