मेयर शाहले फिर्ता गरे सुविधाको सरकारी गाडी

कृष्णनगर, २४ चैत्र। निर्वाचन अचारसंहिता लाग्नुभन्दा अगावै कृष्णनगर नगरपालिकाका नगर प्रमुख रजत प्रताप शाहले ले सुविधाको सरकारी गाडी फिर्ता गरेका छन ।

स्थानीय निर्वाचन २०७४ मा स्वतन्त्र उम्मेदवारबाट लडेर बढी मतान्तरले जित हासिल गरेका कृष्णनगर नगरपालिकाका मेयर शाहले आफू चढ्ने पालिकाको गाडी हस्तान्तरण गरिसकेको बताए ।

शाहले सरकारी स्रोत साधनको दुरुपयोग नहोस भन्ने उद्देश्यले निर्वाचन आचारसंहिता लागू हुनु भन्दा पूर्व नै नगरपालिकाको गाडीको साँचो प्रमुख प्रशासकीय अधिकृत रामचन्द्र ढकाललाई बुझाएको शाहले बताए ।

आइतबार अफिस समयमा नगरपालिका पुगेर सेतो प्लेटको स्कारपियो गाडीलाई नगरपालिका तथा अन्य सरकारी कामकाजका लागि फिर्ता गरिएको छ । अन्य एउटा गाडी उपमेयर सबनम खातुनले चढ्ने पनि छिट्टै फिर्ता हुने योजना शाखा प्रमुख साकिर अहमद शाहले बताए ।

स्थानीय निर्वाचन २०७८ को रौनक बढेसँगै जनप्रतिनिधिहरुले लिने सेवासुविधामा रोक लाग्ने भएकाले जिल्लामै पहिलो स्थानीय तहका जनप्रतिनिधिले गाडी फिर्ता गरेर शाहले उदाहरणीय कार्य गरेका छन् ।