बाणगंगा ८ नं. वडाको वडाध्यक्षमा युवा नेता अधिकारी आकाक्षीं

कपिलवस्तु, २८ चैत्र ।
कपिलवस्तुको बाणगंगा नगरपालिका वडा नं। ८ का वडाध्यक्ष पदमा राजु अधिकारी आकांक्षी देखिनु भएको छ । । बैशाख ३० गते हुन गईरहेको स्थानीय तहको निर्वाचनमा नेपाली कांग्रेसका युवा नेता अधिकारीले वडाध्यक्ष पदमा उम्मेद्वारी दिने बताउनुभएको छ ।
उहाँले विशेष गरि वडाको समग्र विकासका लागि र युवा नेतृत्वको विकास गर्ने संकल्पका साथ आफ्नो उम्मेद्वारी रहने बताउनुभयो ।
लामो समय देखि राजनीती मार्फत निरन्तर रुपमा समाज सेवा गर्दै आउनुभएका अधिकारी युवावर्गहरुको रोजाई र लोकप्रिय युवा नेताको रुपमा चिनिनुहुन्छ ।
वडामा सम्पन्न हुन नसकेका काम पुरा गर्न र सबै वडावासीका आवश्यकता र माग अनुसारका विकास निर्माणका कामलाई प्राथमिकता दिंदै वडाको समग्र विकासका लागि वडाध्यक्षमा उम्मेद्वारी रहने अधिकारीले बताउनुभयो । उहाँ विगत लामो समय देखि शैक्षिक क्षेत्र तथा व्यवसायीक क्षेत्रमा पनि अब्बल व्यक्तिको रुपमा चिनिनुहुन्छ ।