हर्साेल्लासका साथ मनाइयो ईद उल फितर

कपिलवस्तु २० बैशाख । मुसलमान समुदायले एक महिनासम्म गरिने रमजान पर्वको उपवास सकेको भोलिपल्ट ईद –उल –फित्र मनाएकाछन् । इदको अर्थ खुसियाली हो र रमजान सम्पन्न भएको उपलक्ष्यमा खुसियाली मनाइएकाले यस चाडलाई इदुल फित्र भन्ने गरिएको हो । ईदको उपलक्ष्यमा विपन्न,अशक्त, टुहुरा र असहाय व्यक्तिलाई दान दिएर यस चाडको खुसियालीमा सरीक हुन सहयोग पनि गर्ने चलन छ । अरबी पात्रोअनुसार एक महिनासम्म उपवास बसेपछि महिनाको अन्तमा चन्द्रमाको दर्शन गरेपछि रमजान पर्व सम्पन्न हुन्छ र भोलिपल्ट इद पर्व मनाउने परम्परा छ ।
उक्त दिन राति देखिने चन्द्रमालाई इदका चाँद भन्ने गरिन्छ । एक महिना पुरा भएपनि चन्द्रमाको दर्शन नगरेसम्म पर्व जारी रहने नियम छ । इस्लाम धर्मालम्बी यस दिन नयाँ लुगा लगाउने, आफन्तलाई भेट्ने, उपहार आदानप्रदान गर्ने र मीठो खाना खाने गर्छन ।