४ श्रावण भैरहवा ।
श्री स्टिल्सले टिएमटी छड भारत निर्यात सुरु गरेको छ । यस संगै सिमेन्ट पछि छडको पनि भारत निर्यात सुरु भएको छ । श्री स्टिल्सले निर्यातको उदघाटन गर्दै पहिलो खेपमा १ ट्रकमा ३५ टन छड बेलहिया नाका हुँदै भारत महाराजगन्जको कुनसेरवामा निर्यात गरेको हो ।
आगामी दिनमा उताको माग अनुसार निरन्तरताका साथै निर्यात बढाउने उद्देस्य रहेको श्री स्टील प्रालीका सन्चालक राजेश अग्रवालले जानकारी दिए । उनले हालैको बजेटमा ल्याएको निर्यात नीतिअनुसार निर्यात सुरु गरिएको बताए ।
यसले नेपाल भारत बिच भएको ब्यपार घाटा केही हदसम्म कम गर्ने बताए । उनले बर्षको १५ लाख मेट्रीक टन निर्यात गर्ने नेपाली उध्योगको क्षमता रहेको बताए । केडिया अर्गनाइजेशन, सिद्धार्थ ग्रुप, मुरारका ग्रुप तथा उमा ग्रुपको संयुक्त लगानीमा स्थापित तथा सञ्चालित यस उद्योगले श्री स्टील्स टिएमटी फलामे छड उत्पादन गर्दै प्रालीका ब्राण्ड म्यानेजर दिपक शाहले बताए ।
४ श्रावण २०७९, बुधबार
प्रतिक्रिया