काठमाण्डौ ५ साउन – काठमाण्डौसँगको मुख्य नाका नागढुङ्गा–नौबिसे सडक खण्डमा बिहानैदेखि आलोपालोमा गाडी चलिरहेका छन् । यो सडक खण्ड अन्तर्गत पात्लेवनमा ठूलो ढुङ्गा खसेकाले सडक एकतर्फी मात्रै खुलेको छ ।
एकतर्फी मात्रै सडक खुलेकाले आलोपालो गरेर गाडी पास गराइएको प्रहरीले जनाएको छ । यो सडक खण्ड भएर दैनिक हजारौँ गाडी चल्ने भएकाले सडकमा सामान्य असर पर्दा पनि लामो जाम हुने गरेको छ । अहिले पनि यो सडकमा गाडीको लामो लाइन लागेको छ ।
यसैबीच, सडकमाथिबाट खसेको ढुङ्गाका कारण काठमाण्डौ र नुवाकोट चल्ने गाडी पनि रोकिएका छन् । नुवाकोटको तीनपिप्ले –पाँचमाने सडक खण्डमा ढुङ्गा खसेको प्रहरीले जनाएको छ ।
५ श्रावण २०७९, बिहिबार
प्रतिक्रिया