डुंगा दुर्घटनामा ३ जनाको ज्यान गयो

बुटवल १५ कात्तिक। पश्चिम नवलपरासीको सुस्ता गाउपालिका वडा न ४ मा रहेको एक घोलामा भएको डुंगा दुर्घटनामा ३ जनाको ज्यान गएको छ। उक्त दुर्घटनामा परि २ जना गम्भिर घाईते भएका छन्।सुस्ता गाउपालिका वडा नं ४ नर्सही गोकुलनगर स्थानीय युवाहरु गाउ नजिकैको घोला किनारमा रहेको थुम्कोमा बनभोज खाएर फर्केका किशोरहरु घोला तरेर फर्किन लाग्दा उक्त दुर्घटना भएको गाउपालिका अध्यक्ष टेकनारायण उपाध्यायले बताए।

सुस्ता गाउपालिकाका निर्वतमान अध्यक्ष राम प्रसाद पाण्डेका अनुसार आज दिउसो स्थानीय गोकुल नगरका ७ जना युवाहरु बनभोज खान गएका र फर्किने क्रममा ५ जना डुंगा चढेको र अन्य २ जना पैदलै हिडेका थिए।डुंगामा चढेर घोला पार गर्ने क्रममा घोलाको बिच भागमा पुगेपछि डुंगा अनियन्त्रीत भई पल्टिएको र उनीहरु मध्ये ३ जनाको घटनास्थलमै मृत्यु भएको अन्य २ जनाको गम्भिर अवस्थामा उद्धार गरी उपचारका लागी बर्दघाट नपामा रहेको चौपत्ता अस्पतालमा ल्याईएको बताईएको छ।

घाईतेहरुको अवस्था समेत अत्यन्त गम्भिर रहेको स्थानीयले बताएका छन्। दुर्घटनामा परि घाईते हुने तथा मृत्यु हुनेहरु सबै १८ बर्ष देखि २० बर्ष हाराहारीका युवाहरु रहेका छन्।