लुम्विनीमा एमाले संसदीय दलको नेतामा गिरी र उपनेता आचार्य :मुख्यमन्त्री बन्ने वाटो खुल्यो

दाङ १७ पुस । नेकपा एमालेले लुम्बिनी प्रदेशसभा संसदीय दलको नेतामा पोलिटब्युरो सदस्य तथा प्रदेश सहइन्चार्ज लीला गिरी चयन भएका छन् । त्यसै गरी उपनेतामा केन्द्रिय सदस्य चेतनारायण आचार्य छनौट भएकाछन् । आइतबार बिजौरीेस्थित महासचिव शंकर पोखरेल निवासमा भएको छलफलमा नेताहरूबीच गिरीलाई संसदीय दलको नेता र आचार्यलाई उपनेतावनाउने सहमति जुटेपछि संसदीय दलको बैठक बसेर सो निर्णय भएको हो । आइतबार महासचिव पोखरेलले एमालेका लुम्बिनी प्रदेश इन्चार्ज छविलाल विश्वकर्मा, आकांक्षीहरू लीला गिरी, चेतनारायण आचार्य, भूमिश्वर ढकाललगायतलाई यो विषयमा छलफल गराएर सहमतिमा ल्याएकाथिए ।

पार्टीको निर्णय मानेर जाने सबै आकांक्षीले स्वीकारेका थिए । एमालेले सांसदहरूको शपथपश्चात आजै संसदीय दलको नेता चयन गरेको हो ।। गिरी यसअघि शंकर पोखरेल मुख्यमन्त्री हुँदा मन्त्री रहेका थिए । उनी रुपन्देही २ को १ बाट निर्वाचित भएका हुन् ।यसै गरी आचार्य पनि यस अघि मन्त्री भैसकेका नेता हुन् । एमाले लुम्बिनी प्रदेश सरकारको नेतृत्व गर्ने अवसर पाए गिरी मुख्यमन्त्री बन्नेछन् । महासचिव पोखरेलले यसअघि नै लुम्बिनी प्रदेश सरकारको नेतृत्व एमाले गर्ने बताइसकेका छन् । प्रदेशमा ठूलो दल भएकाले एमालेले नेतृत्व पाउनुपर्ने उनको भनाइ छ ।