तिलौराकोट साझेदारीमा पाण्डे निर्वाचित : उपाध्यक्षमा खाँ र चौधरी बिजयी

कपिलवस्तु २८ पुस । तिलौराकोट साझेदारी बन ब्यवस्थापन समितीको अध्यक्षमा जय प्रकास पाण्डेय निर्वाचित हुनु भएको छ ।कार्यपालिका तर्फवाट उपाध्यक्ष पदमा मोहोम्मद जाहिद खाँ र महिला उपाध्यक्षमा तारावती चौधरी निर्वाचित हुनु भएको छ । सो समितीमा कुल ३५ जना निर्वाचित भएका छन् ।

अध्यक्षमा प्रतिस्पर्धा राम अचल यादव र बसन्त गिरीले गर्नु भएको थियो भने महिाल उपाध्यक्षमा ७ जनाले प्रतिस्पर्धा गरेका थिए । अध्यक्षमा निर्वाचित पाण्डे यसअघि पनि सोही पदमै रहेर साझेदारी बन ब्यवस्थापन लामा ेअनुभव हासिल गरि सक्नु भएको छ । यो साझेदारी वन नेपालकै उत्कृष्ट नमुना बनको रुपमा लिइन्छ ।