माघि महोत्सव एकदिनका लागि स्थगित : मंगलवार शोक मनाइने

कपिलवस्तु, २ माघ ।कपिलवस्तुको बाणगंगा नगरपालिका वडा न ९ चौहवामा संचालित बाणगंगा नगर स्तरीय माघि महोत्सवमा सिलिन्डर पड्किदा एक जनाको ज्यान गएपछि महोत्सव एकदिनकालागि स्थगित भएको छ । बाणगंगामा सोमवारवाट सुरु भएको चौथो माघी महोत्सवमा एक जनाको मृत्यु भएको हो भने २ जना घाइते भएका छन् ।बेलुनमा भर्ने हाइड्रोजन ग्यास सिलिण्डर पड्किएर विस्फोट हुदाँ बाणगंगा नपा ८ सिसेनी बस्ने अन्दाजी ६५ बर्षीय नासिद अहमद पाखियाको घटना स्थलमै मृत्यु भएको प्रहरीले बताएको छ ।

उनी बेलुनमा हावा भरेर बेच्ने ब्यपारी हुन् । मृतक बुवा र घाईते २ छोरा रहेको प्रहरीको भनाई छ । घटनाका कारण माघी महोत्सब एकदिनलाई स्थगित गरेर शोक मनाउने निर्णय आयोजकले गरेको कमल चौधरीले प्रेसपाटीलाई जानकारी दिनु भयो । थारु कल्याणकारीणी सभा बाणगंगाले उक्त महोत्सव संचालन गर्दै आएको छ ।