हरि घिमिरे
कपिलवस्तु, १२ चैत्र ।
होटल तथा पर्यटन व्यवसायी संघ कपिलवस्तुले प्रथम साधारणसभा तथा अधिवेशन गर्ने भएको छ । संघले यहिँ चैत्र १४ गते बाणगंगाको पिस हिमालयन रिसोर्टमा साधारण सभा तथा अधिवेशन गर्ने भएको हो । “युवा स्वरोजगार, व्यवसायीक समृद्धि, पर्यटन प्रवद्र्धन हाम्रो अभियान” भन्ने मूल नाराकासाथ स्थापित संघले विभिन्न कार्यहरु गर्दै आएको छ ।
संघले सदस्यता विस्तार पछि प्रथम साधारणसभा तथा अधिवेशन गर्न लागेको हो । २०७९ भाद्र २२ गते जिल्ला प्रशासन कार्यालयमा दर्ता भएर स्थापना भएको संस्थामा करिब २ सय ५० होटल व्यवसायी आवद्ध रहेका छन् । बाणगंगा क्षेत्रका होटल व्यवसायीको सक्रियताबाट उक्त संघ दर्ता गरिएको थियो, संघमा अहिले जिल्ला भरिका सबै स्थानका होटल व्यवसायी आवद्ध रहेका छन् ।
संघले कपिलवस्तु स्वास्थ्य एवं दुर्घटना विमा पोलिसि लिएर सदस्य विस्तारमा लागेको थियो । स्थापनामा रबिन्द्र पौडेलको अध्यक्षतामा तर्दथ समिति गठन गरिएको थियो । पहिलो अधिवेशनमा पौडेल नै अध्यक्ष हुने सम्भावना छ ।
प्रतिक्रिया