प्रदेश

देउसी भैलोको रकमबाट दुर्गा मुर्ति निर्माण




कपिलवस्तु, १६ चैत्र ।
कपिलवस्तुको बाणगंगा नगरपालिका–६ भगलापुरको निर्माणाधीन रिभर साइड पार्क क्षेत्रमा दुर्गा मुर्ति निर्माण भएको छ । उर्जाशील युवा कृषि उद्यमी समूहले तिहारको बेला आयोजना गरेको देउसी भैलो कार्यक्रमबाट सङ्कलित रकमबाट दुर्गा भगवतीको मुर्ति स्थापना भएको भएको हो ।


बुधबार चैते दशैको अवसर पारेर मूर्तिको स्थापना गरिएको समूहका अध्यक्ष कुलराज भसालले जानकारी दिनुभयो । अध्यक्ष भुसालले मौलिक संस्कृति जगेर्ना गर्ने उद्देश्यले गत तिहारमा समूहको आयोजना र गाउँका युवाहरुको समेत सहभागितामा सम्पन्न भएको परम्परागत देउसी भैलोबाट सङ्कलित रकमबाट दुर्गा मूर्ति निर्माण गरिएको बताउनुभयो ।


समूहका कोषाध्यक्ष एवं देउसी भैलो कार्यक्रमका संयोजक हिमाल खनालले करिब ४५ हजारको लागतमा ५ फिट अग्लो दुर्गा मूर्ति निर्माण भएको जानकारी दिनुभयो । कोषाध्यक्ष खनालले मूर्ति संरक्षणका लागि आवश्यक पर्ने थप संरचना निर्माणको लागि ६ नम्बर वडा कार्यालयबाट ५० हजार बजेटसमेत विनियोजन भएको जानकारी दिनुभयो । खनालले वडा कार्यालयबाट प्राप्त हुने रकम, स्थानीय युवाहरुको श्रमदान र अन्य सहयोग समेत जुटाएर थप संरचना निर्माण गर्दै जाने बताउनुभयो ।
निर्माणाधीन पार्क क्षेत्रमा ठुलो दुर्गा मूति स्थापना हुँदा पार्कको आकर्षण बढेको पार्क निर्माण समितिका अध्यक्ष कृष्ण गैरेले बताउनुभयो ।


२० जना युवाहरुको मिलेर २०७५ सालमा स्थापना गरेको यस समूहले गाउँमा कृषि उद्यमलाई प्रवद्र्धन गर्ने कार्यका अतिरिक्त संस्कृति संरक्षण एवंं सामाजिक कार्यसमेत गर्दै आएको छ । संस्कृति संरक्षण गर्ने उद्देश्यले नेपालीहरुका मुख्य चाडपर्व तिज, दशैं र तिहारमा कम्तिमा एकएक वटा परम्परागत मौलिक कार्यक्रम गर्दै आएको समूहका अध्यक्ष भुसालले बताउनुभयो । समूहले गाउँमा टेन्ट हाउस समेत सञ्चालन गर्दै आएको छ । जसमा स्थानीयहरुलाई भैपरी आउदा अति न्यून शूल्कमा सामान उपलब्ध गराउदै आएको छ भने कमजोर आर्थिक अवस्था भएका परिवारलाई निशुल्क रुपमा समेत सामान दिने गरेको समूहका सदस्य एवं टेन्ट हाउस व्यवस्थापक मिनराज पोख्रेलले बताउनुभयो ।

प्रकाशित : १६ चैत्र २०७९, बिहिबार

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल
  • समाचार संयोजक :  
    हरि घिमिरे

सोसल मिडिया

सूचना विभाग दर्ता नं.

८५८-२०७५/७६